صباح العسل هو مش عسل اوى يعنى صباح النكد هو مش نكد اوى يعنى صباح الفرفشه والدردشه هى مش فرفشه ولادردشه اوى يعنى هى بين البينين هههههههههه ده مثل سمعته مؤخرا وزعلت اوى ويئست جدااااااااااا بقى هى بقت كده يا بنى ادمين العيله اللى مفيهاش واد صايع حقها يضيع طب انا اصلا معنديش اخوات ولاد يعنى لا مؤدب ولا صايع اعمل ايه بقى فى نفسى وبابا متوفى كمان ومن عشر سنين الله يرحمه وينور ويوسع قبره باذن الله اروح انا بقى انتحر ولا اروح افجر نفسى يعنى عشان احنا ناس محترمين فى منطقتنا احوالنا كويسه لحد دلوقتى ولسه حقنا ما ضاعش لكن انا بقى المفروض اعمل حسابى ان لو حصلنا مشكله هنضرب با........... هى الدنيا بقت كده غابه اللى عايز حقه ياخده بدراعه طيب اللى مالوش دراع كده زى امى اللى خلفت خمس بنات بس من غير ظابط تعمل ايه ؟ الله يكون فى عونها يارب توب علينا يارب من الليل وبلاويه واللى بيجرى فيه هههههههههههههههه لا قصدى اهئ اهئ اهئ اصل انا نسيت انه موضوع نكد هو مش نكد اوى يعنى